01.01.06
இதோ ஒரு ஆரம்பம்…
இது நாள் வரை உதவிப்பக்கங்களுக்கும், எங்களின் அறிவிப்புகளுக்கும் ஏதேனும் ஒரு புதுச் செயலி அல்லது ‘விக்கிபீடியா’ உபயோகிக்கலாமா என்ற யோசனையிலேயே காலம் சென்றுவிட்டது! வலைப்பதிவிற்கான ஒரு தளத்தில் இருந்துகொண்டு, அதைப்பற்றி பேசுவதற்காக புதிய செயலியைத் தேட வேண்டுமா என்ன?!
இந்த வலைப்பதிவில் தேன்கூடு தளத்தின் எண்ணங்கள், மேலதிகச் சேவைகள் மற்றும் மாற்றங்கள் பற்றி பேசப்படும். உதவிப்பக்கங்களும் இந்த வலைப்பதிவிலேயே காணலாம்.
இந்த வலைப்பதிவு தேன்கூடு தளத்தினுடனான தொடர்பாக மட்டுமில்லாது, தளத்திற்கு வருகை புரிபவர்களுக்கு உதவியாகவும் இருக்கும் என்று நம்புகிறோம்.
இந்த தளத்தில் உருவமைப்பிலும் கட்டமைப்பிலும் பலர் உதவியாக இருந்திருக்கிறார்கள்; பல்வேறு தளங்களில் உள்ளவர்கள் ஆலோசனைகளை வழங்கியிருக்கிறார்கள். அவர்களின் உதவி இல்லாமல் தேன்கூடு இந்த அளவிற்கு உபயோகமாகவே இருந்திருக்காது என்பது நிச்சயம். அவர்கள் அனைவருக்கும் எங்களின் மனமார்ந்த நன்றிகள்.